جديد الأخبار
أنت هنا: الرئيسية / كتاب و آراء / كتاب واراء من الفقيه بنصالح الأستاذ المحامي” العابد عبد الرحيم في قصيدة زجلية تحت عنوان : ” سعدي ولدي افهم السياسة”

كتاب واراء من الفقيه بنصالح الأستاذ المحامي” العابد عبد الرحيم في قصيدة زجلية تحت عنوان : ” سعدي ولدي افهم السياسة”

FB_IMG_1513863265197

نشر بتاريخ 21 دجنبر 2017 

الفقيه بنصالح.كوم الأستاذ المحامي العابد عبد الرحيم

احنا اليوم فالسوق سلعةكثيرة معروضة
الف بوق معاهم بوق الجمهور كثير بزاف
كل البوق عندو شعار ما عندك علاش اتخاف
كل البوق وصمة عار ادعيتو للواحد القهار
كل ربحةعندها ثمن راها تخلق المحن
ربحة …… .. ربحةالسوطة والكبال لوحو الراي فالبرلمان . !

مسحوا الطابلة ديرو ميسة..!
عاودوا اللعبة من جديد ..!
شلا ربحات ، شلا الوان …!
ربحة الكاس هي الاساس ….!
هذي ربحة مزيانة ….!
كاين ربحة الورقة……..! زيد كبر كبر الحلقة……..!
اتكون الورقة زرقة…….! عاد سولني اش ابغيت..؟
أنا أنا ما شي غشيم…..! انا كنفهم بالعين…………….!

اعيونكم فالمناصب……! احنا فين المصلحة …..؟
نيتك تضرب الجيب……! هذا حرام عليك اوعيب !
واش عندك البرامج ….؟ كل واحد نعطيوه دار ….!
كل خمسة ليهم كصعة !
لكن واش الشعب اوعى؟
هذا اشغل الحكومة! شفتها اليوم مهمومة!
ها اليمين يميل
ها اليسار ما سار
الالوان مختلطة، قوس قزح عندي بعدا …!
لكن الخطة كرطيطة..! تفكير الكراطة فالملعب…….!
كال ليهم الملك كلمة………حيدوا كاعg الشفارة…….!
كل مسؤول ناض يجري! خاف اليوم على راسو….!
الوسط عندنا شفار…! خرجوه من باب الدار …!
خوان الدار ماشي خوان تبرير الثعلب حيث ايجوع..!
الاحزاب عندنا بزاف. اكلات الخبز النصراني….!
اولهم اكبر خطاف. خاطف سردينة وابحر..!
الباقي دجاج ايخاف حط يدك على القلب جس النبض.!
شي وحدين فيهم ابرار .! ايخصهم اصوات اكثار…!
علاش اليوم درنا اجتماع؟ همزة وصل بين الامم…!
علاش البارح درنا اضراب؟ البارح سار شوف اليوم…!
هاذ اللعب بزاف اكثير ….! ولفتو من صغري………….!
ايخصنا حسن التدبير…….! بك نبداو الفاتحة……………!
سدرة شوكها واعر كنفود….!
شجرة الى اركبنا على غصنها ايطيح….!
حفرة اغدايد تشوي الكبدة والقلب ……!
راحلة خسوف وكسوف طريقها اعداب امحاين ….!
شد الدري راه طاح طيحت المربوط في داتو …..!
شد الواد سير اتضيم تغلب ديما كثرة الهم اتبكي…..!
شوية من ضو الكمرةg ….ايبان اغزالي فالميدان. ….!
الخير فالايام أجايا….! اللي دازت دازت امشات …!
اتعلمنا شلا دروس….!
التجارب اتحك الناس…!
التجارب تنفخ الراس …! الطبلة لينا مجموعين ……..!
التجارب تنفخ الراس …! الطبلة لينا مجموعين ……..!

العابد عبد الرحيم: 18-12-2017 .

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

إلى الأعلى

Fatal error: Call to undefined function setPostViews() in /home/fkihbenso/www/wp-content/themes/sahifa/single.php on line 93