جديد الأخبار
أنت هنا: الرئيسية / ثقافة / كتاب واراء من الفقيه بنصالح الأستاذ المحامي” العابد عبد الرحيم في قصيدة زجلية: اش بيك اش بيك ؟

كتاب واراء من الفقيه بنصالح الأستاذ المحامي” العابد عبد الرحيم في قصيدة زجلية: اش بيك اش بيك ؟

فكها

نشر بتاريخ 5 يناير 2018

الفقيه بنصالح.كوم عبد الرحيم العابد

اغرسنا الزريعة…! اجبدنا قوالب منحوتة……..!

اش بيك.؟ كول اش بيك.؟ اغرسنا وقت الضباب حلفت حلفت الشتا على مجيها…!

اغرسنا الزريعة وقت لغمام.! احصدناه شوك طلحة ينغم..! طلحة شوك بعاج….!

قرقنا الدجاجة على بيض خامج.. اعطاتنا الر يح ربينا فلالس لخوى….!!

حلفت هي ما تعطيها.. حلفت بصوم عام…….. كالت اصيامي احرام..!

خيط السداية امزوق بالسقلي…!

يعطيك احصيرة ….. يعطيك زربية ، واللا جلابة احرير …………!

كون اعطاني خلخال انديرو كبال بيديا ….!

اختار شكون جميلة..؟ فاطنة واللا احليمة…..!

اشكون احلال.؟ اشكون احرام.؟ اشكون ينفخ البوق..؟ واش انقدرو عليها….!

جانا صباح مربوح خير هذا …!

ايجي الصباح قراية….! قراية بلا قراية………!

انحنشوا الكناش بقلم كصبة……!

ايجي الليل انعاس …سايرة بنا..! محلاه……….!

انعاس الليل احلمناه.. احلمناه اخناجر.. احلمناه دخان .. احلمناه غبرة ..

احلمناه انهار طالعة فيه الظلمة.. احلمناه شمس باردة………………….!

ازرعنا الزريعة.. حلفت الشتا ما اتجي.. حلفت بصوم عام .. كالت صومي احرام….!

كالت هي كالت هضرة.. ابنيتوا البيت بلا اركيزة.. درتوا السقف بلا كايزة.. ا

لحجر على الحجر بلا قبة.. فصلتوا فصالت لمغاشي .. خيطتوا بخيط راشي..

محال اتلبسوا الكساوي اجديدة……! خليوا الطربوش غير نخوة……..!

خليوه ما دام الراس خاوي……..! محال المجوط ايدير المشطة….!

محال المجراب يقطع اظفارو ….!

لعرج من السباط لابس فردة ….!

لمكندز ما ايسلم اسلام عادي……!

اعطاكم الله فالهضرة زيدوا ……!

خنشة اشتب فيها قنطار …….!

ركبوا على لحمار …خليو ا لغزال انزاهة….!

حاكم لفلوس حاكم راسو…..!

ايشد ريال على ريال يعطيك قنطار……!

اش خاسر هو من جيبو……………………..!

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

إلى الأعلى

Fatal error: Call to undefined function setPostViews() in /home/fkihbenso/www/wp-content/themes/sahifa/single.php on line 93