جديد الأخبار
أنت هنا: الرئيسية / كتاب و آراء / كتاب وآراء من الفقيه بنصالح: الأستاذ المحامي= ” العابد عبد الرحيم” في قصيدة زجلية ” = شفت=

كتاب وآراء من الفقيه بنصالح: الأستاذ المحامي= ” العابد عبد الرحيم” في قصيدة زجلية ” = شفت=

العابد (1)

نشر بتاريخ 10 مارس 2018

الفقيه بنصالح .كوم ” العابد عبد الرحيم” في قصيدة زجلية ” = شفت=

شفت الخيل بلا اشكال.. بلا امقدم بلا علام .. بلا اشكال صبحت عاكزة..

المحرك حارثاه سكة.. لا تحريكة لابارود ..

غير لخيام امصافة .. مول الكولة عطشان.. هرس لكلال كلة كلة .. ا

غبر العلام؛ امقدم السربة.. اش بيه اليوم…؟

سولوا الصكعة ، كحلة ليام.. الماضي فات ..

بقات الصور شاهدة للايام.. شاهدة الصور باقية……!

ذكريات الامس راسخة.. كان اللي كان .. كان في ايامو…

كان القايد ظالم.. من الخوف انكولو مزيان…!

دار الضيافة دار الكرم.. دار مخزن الزرواطة.. اكرمنا الله به ؛

زاد اكرمنا.. باقية منو اثار….! كان كرطيط ؛ ايامو ضبابة..

السيبة بلا سيبة ابام تخلع….! كم مظلوم اسكن الظلمة عالدوام..

مات في حبسو ولى اعظام….! اعظامو ارشات تالفة….!

في البيضة شلا امقاير.. Casablanca ; casa le noir

شلا اجماجم حطمها الطغيان.. عام كوميرا عام راسخ فالاذهان…!

ولو رحنا في الدرب سايرين.. مازال الدرب اعوع.. ازناقيه غارقين..

نشفت لبحور من حوثها واكلين…!

خيرات الارض ليها مالكين ..

الى سار الحال على حالو..

موحال انكونو ناشطين….

! لا سياسة لا ساسة..

غير بالحيلة ساكتين..

خوفي من اسكات مرة..

خوفي من اسكات مرتين…!

مير لبلاد مير زاعم ..

مير لبلاد مير قادر..

الا وحدوا الكلمة مرة.. انخرجوا من راس القرعة كاملين..

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

إلى الأعلى

Fatal error: Call to undefined function setPostViews() in /home/fkihbenso/www/wp-content/themes/sahifa/single.php on line 93