جديد الأخبار
أنت هنا: الرئيسية / أخبار جهوية / شكون خاصو يتعاقب بسبب الإصابة بكورونا فالفريق التقني الخاص بالخطاب الملكي.. العرايشي عوّر ليها عينيها فهاد السابقة

شكون خاصو يتعاقب بسبب الإصابة بكورونا فالفريق التقني الخاص بالخطاب الملكي.. العرايشي عوّر ليها عينيها فهاد السابقة

0B7688EE-EA03-4C84-AA33-81B11A81B66E-600x300-c

الفقيه بنصالح عن أحمد الطيب كود

في سابقة من نوعها كتوقع فخطاب ملكي، أعلنت وزارة القصور الملكية والتشريفات والأوسمة عن تأجيل الخطاب الملكي بمناسبة  الذكرى الـ45 للمسيرة الخضراء إلى يوم السبت بعدما كان مقرر يكون نهار الجمعة.

شنو وقع بالضبط؟. بلاغ الوزارة أوضح أن هاد التأجيل جا بعد اكتشاف حالة إيجابية بـ”كورونا” ضمن الفريق التقني المكلف بتسجيل وإذاعة الخطاب الملكي بهاد المناسبة، مؤكدة أن التزاما بالبروتوكول الصحي وبالتدابير الوقائية المعتمدة فهاد المجال تقرر تأجيل الخطاب بعد 24 ساعة.

نرجعو للمسؤولية فهادشي. الإصابة بـ”كورونا” يمكن توقع لكل واحد، لكن حيت القضية مرتبطة بالخطاب الملكي كيكون داكشي محدود. يعني كاين كاميرامان وواحد مكلف بالإضاءة. علاش هاد الجوج أو حتى 3 ماخداتش معاهم الشركة الوطنية للإذاعة والتلفزة الاحتياطات اللازمة.

مسألة أخرى. علاش هاد الفريق ميعيطوش ليه قبل يجي للقصر. كيفاش فيصل العرايشي المدير العام ديال الشركة تسبب فهاد السابقة الأولى من نوعها. تدبير هاد الأمور مكلف بهاهو بشكل مباشر، حيت هو اللي كيدير التنسيق والتواصل مع القصر.

الفريق التقني المكلف بتسجيل الخطاب الملكي فيه عدد قليل بزاف كيف ذكرنا، علاش مكانوش احتياطات قبل من طرف العرايشي؟ مصدر من الشركة قال لـ”كود” بأن التقني المصاب بـ”كورونا” كان فالحجر الصحي ومجاش القصر أصلا. لكن علاش الشركة معلماتش بالإصابة قبل؟. هنا كيبان الفشل الذريع ديال العرايشي في تدبير الامر.

مسألة أخرى مرتبطة بالتدابير والإجراءات الوقائية. التحليلة ديال الـPCR تقدر تبان النتيجة ديالها بعد 24 ساعة لهاد التقنيين المكلفين بتسجيل الخطابات الملكية، ثم كاين التحاليل السريعة. علاش هادشي مادارش قبل؟.

العرايشي فشل فتدبير الجايحة فدار البريهي والإعلان عن إصابة التقني بكورونا فضح هادشي.

هادي كتبقى سابقة، حيت ماعمر شي خطاب ديال المسيرة الخضراء ماتأجل.

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

إلى الأعلى

Fatal error: Call to undefined function setPostViews() in /home/fkihbenso/www/wp-content/themes/sahifa/single.php on line 93